Trending jokes of today:
ശബരിമല
ഉള്ളിസുര
ജയില്‍
നില്ല് നില്ല്
ടിക്ക് ടോക്
വെള്ളപ്പൊക്കം
പെട്രോള്‍ വില
കുമ്മനം ഗവര്‍ണര്‍
മിസോറാം
വവ്വാല്‍
നിപ്പ വൈറസ്
ശോഭാ സുരേന്ദ്രൻ
കുമ്മോജി
വിക്ലങ്കന്‍ ആയ തുംബി
ക്വീന്‍ ചിന്നു
പ്രിയ വാര്യര്‍
ചായ കാച്ചൽ
Kunjava & Maman
Alphons Kannanthanam
Modi
BJP
കമ്മി
സംഘി
സുടാപ്പി
കൊങ്ങി
ഉള്ളി സുര
OMKV
തേപ്പ്

JokesMalayalam.com

Pictures
Videos
Photo Comments
Audio
Messages



സെയിം ടു യൂ
ശശി : എങ്ങോട്ടാ ??

സോമൻ : ഒന്ന് പഞ്ചായത്ത്‌ ഓഫീസ് വരെ..വീട്ടിൽ കിണറു കുഴിക്കുന്നതിന്റെ ഒരു പ്രശ്നം..അതൊന്നു ശെരിയാക്കണം..താൻ എങ്ങോട്ടാ ???

: ഹോസ്പിറ്റലിലേക്കാ..സുഖമില്ല..

: ആണോ... ഗെറ്റ് വെൽ സൂൺ

: സെയിം ടു യൂ.....

#ഹഹഹ....
😂😂😜😝🤣🙊🙊🤣🤣🤣

പരസ്യത്തിലെ ഫ്രിഡ്ജ്
പരസ്യത്തിലെ ഫ്രിഡ്ജ് കണ്ടാൽ എന്ത് രസാ!!

ഐസ് ക്രീം, ഫ്രൂട്ട്സ്, ചോക്ക് ലേറ്റ്,
സെവൻ അപ്പ്, ഹോ!!!!😋😋😋😋

നമ്മുടെ വീട്ടിലെ ഫ്രിഡ്ജ് തുറന്ന് നോക്കിയാലോ?

ചോറ് വെള്ളത്തിലിട്ടതും തേങ്ങാമുറിയും ആട്ടിയ മാവും പുളിച്ച കറിയും
ഹോ🙆🙆🙆🙆🙆🙆
മനസ്സ് മരവിച്ച് പോകും !!!😂😂😂😂😂😂

ബാങ്കിൽ പണം ഇടാൻ പോയ മമ്മു
ബാങ്കിൽ പണം ഇടാൻ പോയ മമ്മുവിനോട്....

കാഷ്യർ  : ഇത് കീറിയ നോട്ട് ആണല്ലോ..????
മമ്മു : അതിനു നിനക്കെന്താടാ പ്രശ്നം...????

ഞാൻ എന്റെ അക്കൗണ്ടിൽ അല്ലെ ഇടുന്നെ....???

😂😂😜😝🤣🙊🙊🤣🤣🤣

ഭർത്താക്കന്മാരോട് കളിച്ചാൽ ഇങ്ങനിരിക്കും
ഭർത്താക്കന്മാരോട് കളിച്ചാൽ ഇങ്ങനിരിക്കും

ഭർത്താവ്👴 കള്ള് കുടിച്ചിട്ട് അസമയത്തു് വീട്ടിൽ വന്ന് കതകിൽ മുട്ടി✊✊✊.
തുറക്കെടി കതക്😬😬😬 .
ഇല്ല, തുറക്കില്ല 🤔😒!
ടീ തുറക്കാനല്ലേ പറഞ്ഞത്😬 ?

തുറക്കില്ല 😠😠😠😠😠!

നിങ്ങൾ എവിടുന്നു വന്നോ, അങ്ങോട്ടു തന്നെ പൊയ്‌ക്കോ👉👉👉.


നീ തുറന്നില്ലെങ്കിൽ ഞാൻ ഈ കിണറ്റിൽ ചാടി ചാകും😬.

ഒരു കുഴപ്പവുമില്ല, എന്തു വേണമെങ്കിലും ചെയ്‌തോളൂ😁😁😁.






അല്പ നേരം നോക്കി നിന്ന ശേഷം അയാൾ ഒരു വലിയ കല്ലെടുത്തു കിണട്ടിലേക്കിട്ടു.


ശബ്ദം കേട്ട് ഭാര്യ ഓടി വെളിയിൽ വന്നു🏃‍♀🏃‍♀.

ചതിച്ചോ ദൈവമേ ?🙄🙄🙄🙄🙄🙄🙄 അവർ കിണറ്റിലേക്കു നോക്കി.

ആ സമയം കൊണ്ട് ഇരുട്ടത്തു മറഞ്ഞു നിന്ന ഭർത്താവ് പുരയിൽ കയറി കുറ്റിയിട്ടു.





തിരികെ വന്ന ഭാര്യ അടഞ്ഞു കിടന്ന കതകിൽ തട്ടി, ✊✊

കതകു തുറക്ക് .
ഇല്ലെടി തുറക്കില്ല !

തുറന്നില്ലെങ്കിൽ ഞാൻ ബഹളം വെച്ചു നാട്ടുകാരെ മൊത്തം വിളിച്ചു വരുത്തും.


വിളിക്കെടി നീ , നാട്ടുകാരോട് ഞാൻ ചോദിക്കും , "അസമയത്തു നീ ഇത്രയും സമയം എവിടാരുന്നെന്ന് ?"

😜😜😜😜😜

😎😎😎😎😎

ഞാൻ ഒരു ഫുൾ വാങ്ങി
ഞാൻ ഒരു കിളിയെ വളർത്തി; അത് പറന്നു പോയി.ഞാൻ ഒരു അണ്ണാ നെപരിപാലിച്ചു; അത് ഓടിപ്പോയി. പിന്നെ ഞാനൊരു മരം നട്ടു;കിളിയും അണ്ണാനും തിരിച്ചു വന്നു: ഡോ: എ.പി.ജെ.അബ്ദുൽ കലാം

ഞാൻ ചിപ്സ് വാങ്ങി;കൂട്ടുകാർ തിന്നിട്ട് പോയി.ഞാൻ മിക്സചർ വാങ്ങി;തെണ്ടികൾ അതും കാലിയാക്കി അങ്ങ് പോയി. ഞാൻ ഒരു ഫുൾ വാങ്ങി വന്നു; അവറ്റകൾ ചിപ്സും മിക്സചനും വാങ്ങി തിരിച്ച് വന്നു.

മലയാളീസിനു മാത്രമായി ഒരു സംസ്ഥാനം വേണം - ഒരു മഴു എറിഞ്ഞ കഥ
പണ്ട് പണ്ട് ഇൻഡ്യയിൽ കുറെ മലയാളീസുണ്ടായിരുന്നു..
പക്ഷെ അന്ന് കേരളം ഉണ്ടായിരുന്നില്ലല്ലോ..
അതുകൊണ്ട് ഈ  മലയാളികളെല്ലാം തമിഴ്നാട്ടിലായിരുന്നു താമസിച്ചിരുന്നത്..

പക്ഷെ തമിഴന്മാർക്ക് നുമ്മ മലയാളീസിനോട് ഒരു ഓഞ്ഞ പുഛമുണ്ടല്ലോ..
പണ്ട് അത് കുറെക്കൂടി കൂടുതലായിരുന്നു..
പിൽക്കാലത്ത് കേരളമുണ്ടാകുമെന്നോ നമ്മളിവിടെ മുല്ലപ്പെരിയാർ ഡാം പണിയുമെന്നോ തമിഴന്മാർക്ക് അതിൽ നിന്ന് വെള്ളം മോട്ടിച്ച് ജീവിക്കേണ്ടി വരുമെന്നോ അന്ന് അണ്ണന്മാർ കരുതിക്കാണില്ല..

തമിഴന്മാരുടെ പുഛം സഹിക്കവയ്യാതെ മലയാളീസ് ഒരു  തീരുമാനമെടുത്തു..
മലയാളീസിനു മാത്രമായി ഒരു സംസ്ഥാനം വേണം..

പണ്ട് കാലത്തൊക്കെ ഇല്ലാത്ത എന്തെങ്കിലും വേണമെങ്കിൽ എല്ലാവരും ചെയ്യുന്ന പരിപാടി ഉണ്ടല്ലോ..
ഒരു ടാക്സി വിളിച്ച് ഏതെങ്കിലും കാട്ടിൽ പോയി ഇരുന്നോ നിന്നോ ഒറ്റക്കാലിലോ ഒക്കെ അങ്ങ് തപസ് ചെയ്യും..

ഈ മലയാളീസും അത് തന്നെ ചെയ്തു..
നേരെ സത്യമംഗലം കാട്ടിൽ പോയി മഹാവിഷ്ണുവിനെ തപസ് ചെയ്ത് വരുത്താനുള്ള പരിപാടി തുടങ്ങി...
അതിനിടയ്ക്ക് തമിഴ്നാട്ടിൽ നിന്ന് ഓരോ മണ്ടന്മാർ വന്ന് " തപസ് ചെയ്യണ്ടവർ പാക്കിസ്ഥാനിൽ പൊക്കോണം " എന്നൊക്കെ പറഞ്ഞ് തപസ് മുടക്കാൻ ശ്രമിച്ചെങ്കിലും നമ്മുടെ മലയാളീസ് അതൊന്നും മൈൻഡാക്കാതെ ഘോര തപസ് തുടർന്നു..

ഏഴാം ദിവസം മഹാവിഷ്ണു സത്യമംഗലം കാടുകളിലെ CC TV ദൃശ്യങ്ങൾ പരിശോധിക്കുന്നതിനിടെയാണ് കുറെപേർ തന്റെ പേരൊക്കെ വിളിച്ച് പറഞ്ഞ് ജോളിയടിച്ച് തപസ് ചെയ്യുന്നത് കണ്ടത്..
വരം കൊടുക്കാൻ കൈ തരിച്ച് വായിൽ വിരലിട്ട് രണ്ട് വിസിലുമടിച്ച് മഹാവിഷ്ണു അങ്ങോട്ട് പോകാൻ റെഡിയായി ...
ഹാളിൽ ചെന്നപ്പൊ ദേ വൈഫ് ലക്ഷ്മിദേവി സോഫയിൽ ഇരുന്ന് സീരിയൽ കാണുന്നു..
പുള്ളിക്കാരി ചെറഞ്ഞ് നോക്കി ഒരു ചോദ്യം..

"വിഷ്ണുവേട്ടൻ ഇപ്പൊ എവിടെ പോകുന്നു..? "

" ഞാൻ.. വരം കൊടുക്കാൻ.."

" വിഷ്ണുവേട്ടൻ... വിഷ്ണുവേട്ടനിപ്പൊ പോണ്ട ".

" ങെ.. ഞാൻ പോണ്ടേ..?
ഞാൻ രാവിലേങ്കൂടി പറഞ്ഞതാണല്ലോ ആരെങ്കിലും തപസ് ചെയ്താൽ വരം കൊടുക്കാൻ ഞാമ്പോകൂന്ന്..
ഇപ്പൊ എന്താ ഒരു മനം മാറ്റം ?"

"വേണ്ട.. വിഷ്ണുവേട്ടനിപ്പൊ പോകണ്ട "

" അതെന്താ മലയാളീസിന് വരം കൊടുക്കാൻ ഞാൻ കൂടെ പോയാല്.?
എന്താ..? "

" പോകണ്ടാന്ന് പറഞ്ഞാൽ പോകണ്ട "..

ഇവിടുന്ന് സ്കൂട്ടാകണമെങ്കിൽ നാഗവല്ലൻ ആകുകയെ രക്ഷയുള്ളു എന്ന് മഹാവിഷ്ണുവിനു മനസിലായി..
പുള്ളിക്കാരൻ ടോൺ ഒന്ന് മാറ്റിപ്പിടിച്ചു

" വിടമാട്ടേ..? നീ എന്നെ ഇങ്കെയിരുന്ത് എങ്കെയും വിടമാട്ടേ..?
അയോക്ക്യ നായേ.. മറ്റന്നാള് തിങ്കളായ്ച.. ഉന്നെ ഉന്റെ വീട്ടിൽ കൊണ്ടോയി വിട്ട് അവിടുള്ളതെല്ലാം തിന്ന് മുടിപ്പിച്ച് അമ്മായിഅപ്പനെയും തല്ലി ഓങ്കാര നടനമാടിടുവേൻ "..

" വിഷ്ണുവേട്ടാ...!!! :o "

" അയ്യോ ലക്ഷ്മീ..
ഞാനിപ്പൊ എന്താ പറഞ്ഞെ..?
എനിക്കെന്താ പറ്റ്യെ.?"

" ഇല്ല..‌ വിഷ്ണുവേട്ടനൊന്നൂല്ല..
വേം പോയി വരം കൊടുത്തേച്ചും ബാ.."

പാവം ലക്ഷ്മീദേവി പേടിച്ചുപോയ്..

അങ്ങനെ വൈഫിന്റെ മനസ് മാറുന്നതിനുമുമ്പ് മഹാവിഷ്ണു സത്യമംഗലം കാട്ടിലേക്ക് പുറപ്പെട്ടു..
എന്ത് വരമാണ് വേണ്ടതെന്ന് ചോദിച്ചപ്പോൾ സ്വന്തമായിട്ട് സംസ്ഥാനം വേണമെന്ന് മ്മടെ മലയാളീസും പറഞ്ഞു..
ഒരാഴ്ചയ്ക്കുള്ളിൽ സംസ്ഥാനം സെറ്റപ്പാക്കാമെന്ന് ഭഗവാൻ വാക്കും കൊടുത്തു...

തിരിച്ച് പോരുന്ന വഴിക്കാണ് മഹാവിഷ്ണു അറബിക്കടലിൽ മുങ്ങിക്കിടക്കുന്ന കേരളം എന്ന സാധനത്തിന്റെ കാര്യം ഓർക്കുന്നത്..
പ്രത്യേകിച്ച് ജോലിയൊന്നുമില്ലാതെ കാൻഡി ക്രഷും കളിച്ചിരിക്കുന്ന തന്റെതന്നെ പരശുരാമൻ എന്ന അവതാരത്തെ വിട്ട് കേരളം പൊക്കിയെടുപ്പിച്ച് മലയാളികൾക്ക് കൊടുത്തേക്കാം എന്ന് മഹാവിഷ്ണു തീരുമാനിച്ചു..
പരശുരാമന് ഒരു പണിയുമാകും..

പിറ്റേന്ന് മഹാവിഷ്ണു പരശുരാമനെ വീട്ടിലേക്ക് വിളിച്ച് വരുത്തി..
പരശുരാമൻ വെറുതെയിരുന്ന് വേരിറങ്ങി ബുദ്ധി ഈയിടെയായി അല്പം പിന്നോട്ടാണ്..

മഹാവിഷ്ണുവും പരശുരാമനും തമ്മിൽ നടന്ന സംഭാഷണം..

വിഷ്ണു : " ഹായ് പരശു ബ്രോ.. എന്തെല്ലാ..? "

പരശു : " നല്ലന്നെപ്പാ.. ങ്ങളെന്തിനാ വരാമ്പറഞ്ഞത്..?
കൊട്ടേഷനുണ്ടാ..? "

വിഷ്ണു :" ആ... ചെറിയൊരു പണിയുണ്ട്..
പുറകിലെ വിറക്പുരയിൽ ഒരു മഴു ഇരുപ്പുണ്ട് ..
നീയതെടുത്തോണ്ട് പോയി.."..

പരശു : " വിറക് മൊത്തം കീറിയിടണം അല്ലേ..?"

വിഷ്ണു : " മൊത്തം കേക്കടാ മണ്ടാ..
നീ ആ മഴു അറബിക്കടലിൽ എറിഞ്ഞ് കേരളം പൊക്കിയെടുക്കണം"

പരശു : " അത് ഞാനേറ്റു "..

വിഷ്ണു : " അത് കഴിഞ്ഞ് ആ മഴു നീ വിറക്പുരയിൽ തന്നെ ഒളിപ്പിക്കണം ..
ഒരാളും അറിയരുത് അത് നിന്റെ കയ്യിലുണ്ടെന്ന് "..

പരശു : " അതിന് മഴു എന്റെ കയ്യിലില്ലല്ലോ "..

വിഷ്ണു : " എടാ നീ വിറക്പെരയീന്ന് മഴു എടുക്കൂല്ലോ..?"

പരശു : " എടുക്കണാ..? "

വിഷ്ണു : " പിന്നെ നിന്നോടിത്ര നേരം പറഞ്ഞതെന്താടാ..?
മഴു വിറക്പെരയീന്ന് എടുത്ത് എറിഞ്ഞ് കഴിഞ്ഞ് ഒളിപ്പിക്കുമ്പൊ നിന്റെ കയ്യിലല്ലേ ഉള്ളത്..?
അതാരും അറിയരുതെന്നാ പറഞ്ഞത്.."

പരശു : " ഞാൻ മഴു ഒളിപ്പിച്ച് കഴിഞ്ഞാൽ എന്റെ കയ്യിൽ കാണൂല്ലല്ലോ ?"..

വിഷ്ണു : " എങ്കിലും മഴു നിന്റെ കയ്യിലാണല്ലോ?"..

പരശു : " എന്റെ കയ്യിലില്ലല്ലോ..
ഞാനതൊളിപ്പിച്ചില്ലേ..? "

വിഷ്ണു : " നിന്റെ കയ്യിൽ വന്നതിനു ശേഷമല്ലേ നീ മഴു ഒളിപ്പിച്ച് വെക്കുന്നത്..?"

പരശു : " ഒളിപ്പിച്ച് കഴിഞ്ഞാൽ മഴു എന്റെ കയ്യിൽ കാണൂല്ലല്ലൊ? " ..

വിഷ്ണു : " എടാ കഴുതേ മഴു എവിടാന്ന് നിനക്കറിയില്ലേ..?"

പരശു : " വെറക് പെരയില്"..

വിഷ്ണു : " ഇപ്പൊ അല്ല..
നീ മഴു എറിഞ്ഞ് കേരളം ഉണ്ടാക്കിക്കഴിഞ്ഞ്.."

പരശു : " അപ്പൊ എന്റെ കയ്യില്..
പക്ഷെ അതുകഴിഞ്ഞ് ഞാനത് ഒളിപ്പിച്ച് വെക്കൂല്ലോ..?
അപ്പൊ എന്റെ കയ്യിൽ കാണൂല്ലല്ലോ വിഷ്ണു അച്ചായാ..?"

വിഷ്ണു : " എടാ നിന്റെ കയ്യിൽ ഉള്ളതുകൊണ്ടല്ലേ നീയത് ഒളിപ്പിച്ച് വെക്കുന്നത്..?"

പരശു : " ഒളിപ്പിച്ച് വെക്കുന്നോണ്ടല്ലേ മഴു എന്റെ കയ്യിൽ കാണൂല്ലാന്ന് പറഞ്ഞത്.? "

വിഷ്ണു : " ഒളിപ്പിക്കുമ്പൊ നിനക്കറിയാല്ലോ മഴു നിന്റെ കയ്യിലുണ്ടെന്ന്..?
അതാരും അറിയരുതെന്നാ അച്ചായൻ പറഞ്ഞത്.."

പരശു : " എന്റെ കയ്യിൽ ഉണ്ടെങ്കിലല്ലേ അച്ചായാ എന്റെ കയ്യിലുണ്ടെന്ന് ആൾക്കാരറിയൂ..?
എന്റെ കയ്യിലില്ലല്ലോ..
ഞാനത് ഒളിപ്പിച്ച് വെച്ചില്ലേ..? "

വിഷ്ണു : " ഹോ... മണ്ടൻ...!!
ഇപ്പൊ മഴു എവിടാ ഇരിക്കുന്നെ..? "

പരശു : " വെറക് പെരയില്.."
വിഷ്ണു : " അവിടിരുന്നോട്ട്.. അവിടിരുന്നോട്ട്.. അവിടെ വെച്ചേക്ക്
പോ പോ പോ..."

പരശു : " ശ് ശ്.."

വിഷ്ണു : " എന്താണ്..?"

പരശു : "അപ്പൊ മഴു അവിടുന്ന് എടുക്കണ്ടേ..? "

വിഷ്ണു : " എടുക്കണം...
അതവിടുന്ന് എടുക്കുമ്പൊ നിന്റെ കയ്യിലല്ലേ ഉണ്ടാവുക..? "

പരശു : " അതെ "..

വിഷ്ണു : " അത് നിന്റെ കയ്യിലുണ്ടെന്ന് മറ്റാരും അറിയരുതെന്നാ അച്ചായൻ പറഞ്ഞോണ്ടിരുന്നത്.."

പരശു : " അതിന് ഞാൻ മഴു വെറക് പെരയിൽ ഒളിപ്പിച്ച് വെച്ചാൽ പിന്നെ എന്റെ കയ്യിൽ കാണൂല്ലല്ലോ അച്ചായാ"..

വിഷ്ണു : " പോടാ പൊട്ടക്കണ്ണാ .. തെണ്ടീ..
എന്റെ കണ്മുന്നിൽ കണ്ടേക്കല്ല്..
കൊന്നു കളയൂടാ ഊളപ്പരശൂ.."

പരശു : " ഇതാ പരമശിവൻ അച്ചായൻ എപ്പൊളും പറയുന്നത് വിഷ്ണു അച്ചായന് വിവരമില്ലാന്ന് .."
 
പണ്ടാരക്കലിപ്പടിച്ച് മഹാവിഷ്ണു ഇറങ്ങി എങ്ങോട്ടോ പോയി..

പിറ്റേന്ന് നവംബർ ഒന്നായിരുന്നു..

പരശുരാമൻ വിറക് പുരയിൽ പോയി മഴു എടുത്ത് നേരെ അറബിക്കടലിന്റെ കരയിലേക്ക് പോയി..
ആരുമില്ലാത്ത ഒരു സൈഡിൽ പോയി നിന്ന് മഴു എടുത്ത് ഉന്നം പിടിച്ച് ആഞ്ഞൊരേറ് കൊടുത്തു..

എന്നിട്ട് കേരളം പൊങ്ങി വരുന്നതും കാത്ത് നിന്നു..
കുറച്ച് നേരമായിട്ടും അനക്കമൊന്നുമില്ല..

പെട്ടന്ന് ദാ പൊങ്ങിവരുന്നു..!!
കേരളമല്ല..
മറ്റേ ജലകന്യക..

ഏതാ..?

മറ്റേ കോടാലി വെള്ളത്തിൽ പോകുമ്പോൾ എടുത്ത് കൊടുക്കുന്ന ഒരു ജല കന്യക ഇല്ലേ..?
ആ പുള്ളിക്കാരി..

മഴുവും എടുത്തോണ്ട് വന്ന് കന്യക ഒരു ചോദ്യം..

" എക്സ്ക്യൂസ്മി.. ഈ കോടാലി ചേട്ടന്റെയാണോ..?"

പരശുരാമൻ സൈക്കിളിൽ നിന്ന് വീണ ഒരു ചിരി ചിരിച്ചിട്ട് പറഞ്ഞു..

" സോറി ... എന്റെയാണ്..
ഇങ്ങ് തന്നേക്കൂ"..

കോടാലി കൊടുത്തിട്ട് കന്യക ഒരുപദേശവും കൊടുത്തു..

" ഇതൊക്കെ സൂക്ഷിക്കണ്ടേ ചേട്ടായീ..
ഞാൻ ഈ വഴി വന്നതുകൊണ്ട് ഇപ്പൊ കിട്ടി..
ഇല്ലാരുന്നെങ്കിലോ..? "

പരശു : " വെരി താങ്ക്സ്..
അല്ലാ.. ചേച്ചിക്ക് ഇത് തന്നേ പണി..? "

കന്യക : " എനിക്ക് വേറെന്താ പണി ?
ഇതൊക്കെ തന്നെ പണി "

പരശു : " ബൈ ദ വേ..
വാട്ട്സപ്പിലുണ്ടോ..?"

കന്യക : " ഇല്ല.. ചേട്ടൻ കോടാലിയും കൊണ്ട് ചെന്നാട്ടെ..
ഞാൻ എൻഗേജ്ഡാ.."

ജലകന്യക അപ്രത്യക്ഷയായി..

അഞ്ച് മിനിറ്റ് കഴിഞ്ഞ് പരശു മഴുവെടുത്ത് വീണ്ടും എറിഞ്ഞു..

പണ്ടാരടങ്ങാൻ രണ്ട് മിനിറ്റ് കഴിഞ്ഞ് ദാ വരുന്നു ജലകന്യക കോടാലിയും പൊക്കിപ്പിടിച്ചോണ്ട്..!!

" എന്തോന്നാ ചേട്ടാ ഇത്..?
ഒരുത്തരവാദിത്വവും ഇല്ലല്ലോ.? "

ജലകന്യക നല്ല പീസായതുകൊണ്ട് ദേഷ്യം വന്നെങ്കിലും പരശു പുറമെ കാണിച്ചില്ല..
ഇത്തവണയും താങ്ക്സ് പറഞ്ഞ് മഴു വാങ്ങി കന്യകയെ മടക്കി അയച്ചു..

കുറച്ച് കഴിഞ്ഞ് പരശു വേറൊരു ഏരിയയിൽ പോയി ശക്തി സംഭരിച്ച് മഴു എടുത്ത് ആഞ്ഞൊരേറ്..
 
പണി പിന്നേം പാളി..
ഇത്തവണ കോടാലിയും കൊണ്ട് വന്ന് ജലകന്യക നന്നായിട്ടൊന്ന് ചൂടായി..

" ദേ ഒരുമാതിരി മറ്റേപ്പരിപാടി കാണിക്കല്ല്..
ഇനി കോടാലി വെള്ളത്തിൽ കളഞ്ഞാൽ ഞാൻ എടുത്ത് തരൂല്ല കെട്ടോ.."

പരശുവിന് ശരിക്കും കുരു പൊട്ടി..
മൂപ്പര് രണ്ട് ചാട്ടവും കൂടെ ഒരലർച്ചയും..

" നീയിത് എവിടുന്ന് വരുന്നെടീ മരംഭൂതമേ..?
ഇനി കോടാലി എടുത്തോണ്ട് വന്നാൽ ....... :/ :/
തെറ്റിക്കഴിഞ്ഞാൽ ഈ പരശു വെറും ചെറ്റയാടീ ചെറ്റ .. " 😠

പേടിച്ച് പോയ ജലകന്യക നേരെ ശ്രീലങ്കയിലേക്ക് ഓടിപ്പോയി... 💃

അങ്ങനെ നാലാം വട്ടം പരശുരാമൻ മഴു എറിഞ്ഞിട്ടാണ് കേരളം പൊങ്ങി വന്നത്.. 🌞

ആ കേരളമാണ് ഇപ്പൊൾ നമ്മൾ താമസിക്കുന്ന കേരളം.. 🌴🌴😉

ഏവർക്കും കേരള പിറവി ദിനാശംസകൾ..😄

ബൈക്കിന്‍റെ പിന്നില്‍ ഇരിക്കുന്നവര്‍ക്കും ഹെല്‍മെറ്റ് നിര്‍ബന്ധമാക്കിയപ്പോൾ ഭാര്യ
ഭര്‍ത്താവ് ഭാര്യയോട്:  ബൈക്കിന്‍റെ പിന്നില്‍ ഇരിക്കുന്നവര്‍ക്കും ഹെല്‍മെറ്റ് നിര്‍ബന്ധമാക്കി. ഇനി നിനക്കും വാങ്ങണമല്ലോ.. 😐😐😐

അപ്പോള്‍ ഭാര്യ: എനിക്ക് എല്ലാ ഡ്രെസ്സിനും മാച്ച് ചെയ്യുന്ന ഓരോ ഹെല്‍മെറ്റുകള്‍ വേണം..

😨😨😳😳😳😳😳😳😳

ഭര്‍ത്താവ് ബൈക്ക് വിറ്റു!!!

🤣🤣🤣

ഒന്ന് തള്ളി സഹായിക്കണം
പാതിരാത്രി 3 മണി.. മഴയും പെയ്യുന്നു.
ഒരു വീട്ടിൽ ഭാര്യയും ഭർത്താവും ഉറങ്ങുകയായിരുന്നു . അപ്പോൾ ആ വീട്ടിലെ കതക്
ആരോ തട്ടുന്നു.. ശബ്ദം കേട്ടു ഭർത്താവ് എഴുന്നേറ്റു പോയി കതകുതുറന്നു നോക്കിയപ്പോൾ അവിടെ കണ്ടത് കുടിച്ച് ലെക്കില്ലാതെ നിൽക്കുന്ന ഒരാളെയാണ്.

"സാർ എന്നെ ഒന്ന് സഹായിക്കണം ....ഒന്ന് തള്ളിത്തരണം"

ആ കുടിയൻ പറഞ്ഞു.

"എന്നെക്കൊണ്ട് പറ്റൂല ... പാതിരാത്രി 3 മണിക്ക് വന്നിരിക്കുന്നു, കുടിച്ച് ലെക്കില്ലാതെ ഈ മഴയത്ത് പൊയ്ക്കോ ഇവിടെനിന്ന് ..." ഇത്രയും പറഞ്ഞുകൊണ്ട് ഭർത്താവ് കതക് ശക്തിയായി വലിച്ചടച്ചിട്ട് കട്ടിലിൽ പോയി കിടന്നു .

ഭാര്യ ചോദിച്ചു "ആരായിരുന്നു അവിടെ? " ഏതോ ഒരു കുടിയൻ. ..കാറോ എന്തോ തള്ളി കൊടുക്കാൻ പറഞ്ഞു"

"എന്നിട്ട് നിങ്ങൾ സഹായിച്ചോ. .?" പിന്നേ ഈ പാതിരാത്രിയിലാണ് സഹായം ... മഴയും പെയ്യുന്നു ...ആരെങ്കിലും പോകുമോ..."

"മുന്നുമാസം മുൻപ് നമ്മുടെ കാർ കേടായി നടുറോട്ടിൽ കിടന്നപ്പോൾ ആരോ രണ്ടുപേർ നമ്മളെ സഹായിച്ചില്ലേ... ദൈവം കുടിയന്മാരേയും സ്നേഹിക്കുന്നു. "

എന്നുപറഞ്ഞ് ഭാര്യ കുടിയനെ സഹായിക്കാൻ ഭർത്താവിനെ നിർബന്ധിച്ചു പുറത്തേക്കയച്ചു .

മനസ്സില്ലാമനസ്സോടെ ഭർത്താവ് ഉടുപ്പെടുത്തിട്ട് വെളിയിലെ ഇരുട്ടിലേക്ക് പോയി. മഴയും ഇരുട്ടുമായതിനാൽ ഒന്നും കാണാൻ പറ്റുന്നില്ല. ഇരുട്ടിലേക്കു നോക്കി ഭർത്താവ് ഉറക്കെ വിളിച്ചുചോദിച്ചു ...

"നിങ്ങൾ ഇപ്പോഴും അവിടെയുണ്ടോ....?"

ഇരുട്ടിൽ നിന്നും ഉടനെ വന്നു മറുപടി..." ഞാനിവിടുണ്ട് സാർ" കുടിയൻ

"അതേ എന്തോ ഒന്ന് തള്ളിത്തരാമോ എന്ന് ചോദിച്ചില്ലേ... സഹായിക്കാം..."

"അതേ സാർ ഒന്ന് തള്ളിവിട്ടുതന്നാൽ വളരെ ഉപകാരമായിരിക്കും"

"ശരി നിങ്ങളെവിടെയാണ് എനിക്ക് കാണാൻ പറ്റുന്നില്ല"

"ഞാനിവിടെത്തന്നെയാണ്. മുറ്റത്തെ ഈ ഊഞ്ഞാലിൽ ഇരിക്കുകയാണ്.

ഒന്ന് തള്ളിവിട്.... ആടെട്ടേ......"

😅😄😄😅

ചേരാത്ത കാര്യങ്ങൾ
ശശി ടിന്റുവിനോട്...
എടാ, ഈ പുത്തന് സൈക്കിള് നിനക്ക് എവിടെ നിന്നും കിട്ടി...?

👲 നീ ആരോടും പറയരുത്...?
👵  ഇല്ലെടാ,നീ പറയ് ...

👲 കഴിഞ്ഞ ദിവസം എന്റെ  കാമുകി  അവളുടെ ഈ സൈക്കിളില് എന്നെ കാട്ടിലേക്ക് വിളിച്ചു കൊണ്ടു പോയി....
👵  എന്നിട്ട്....?

👲 ആരും കാണാത്ത ഒരു സ്ഥലത്ത് എത്തിയപ്പോള് അവള് എന്നെ തറയിലേക്ക് തള്ളിയിട്ടിട്ട് അവളുടെ ഡ്രസ് എല്ലാം അഴിച്ചു താഴെയിട്ടു...


👵 എന്നിട്ട്....?? 😳

👲 എന്നിട്ട് അവള് രണ്ടു കയ്യും വിടര്ത്തി നിന്നോണ്ട് പറഞ്ഞു ''നിനക്ക് എന്തു വേണേല് എടുത്തോടാ ചക്കരേന്ന് ''.......😜


👵...ശൊ.....എന്നിട്ട് നീയെന്തു ചെയ്തെടാ പുന്നാരമോനേ.??.😜😜😜


👲 ഞാന് അപ്പൊത്തന്നെ അവളുടെ  ഈ അടിപൊളി സൈക്കിള് എടുത്തോണ്ടിങ്ങ് പോന്നു....




ശശി 👵         അതു നന്നായെടാ... അല്ലെങ്കിലും അവളുടെ ഡ്രസ് ഒന്നും നിനക്ക് ചേരില്ലല്ലോ....

😂😂😜😝🤣🙊🙊🤣🤣🤣

ബാറ് ഗീതങ്ങൾ: ഇനി വരുന്നൊരു തലമുറക്ക്
ബാറ് ഗീതങ്ങൾ

ഇനി വരുന്നൊരു തലമുറയ്ക്ക്‌ ബാറ്‌ കാണാൻ സാധ്യമോ..
ബാറ്‌ കണ്ട്‌ കേറി രണ്ട്‌ പെഗ്ഗടിക്കാൻ സാധ്യമോ..

മലിനമായ ഒരാശയം, അതിമലിനമായ നിയമവും..
മലിനമായ ഒരാശയം, അതിമലിനമായ നിയമവും..

ഇനി വരുന്നൊരു തലമുറയ്ക്ക്‌ ബാറ്‌ കാണാൻ സാധ്യമോ..
ബാറ്‌ കണ്ട്‌ കേറി രണ്ട്‌ പെഗ്ഗടിക്കാൻ സാധ്യമോ..

കിക്ക്‌ കിട്ടാൻ തപസിലാണിന്നിവിടെയെല്ലാ ബ്രോകളും..
ദാഹനീരിന്‌ നാവ്‌ നീട്ടി വലഞ്ഞു ഞങ്ങൾ സർവ്വരും..

ബൈക്ക്‌ പോലും സ്റ്റാന്റിലാക്കി കാത്ത്‌ നിൽക്കും നാളുകൾ..
ബൈക്ക്‌ പോലും സ്റ്റാന്റിലാക്കി കാത്ത്‌ നിൽക്കും നാളുകൾ..

ഇവിടെയിന്നെൻ പിറവിയെന്നായി ബാറുകൾ തൻ മന്ത്രണം..

(ഇവിടെ)..

മന്ത്രി മൂളിയ മർമ്മരം, ജഡ്ജി തന്ന വിധികളും..
ഒക്കെയിന്ന് നിലച്ച്‌ കേൾപ്പത്‌ ഔൺസ്‌ ഗ്ലാസിൻ നിലവിളി..

നിറങ്ങൾ മായും ഷെൽഫുകൾ.. സോഡയിംഗ്‌ വരാത്തിടം..
നിറങ്ങൾ മായും ഷെൽഫുകൾ.. സോഡയിംഗ്‌ വരാത്തിടം..

നാളെ നമ്മുടെ ബാറുകൾ.. ഷട്ടറിട്ട പാഴ്‌നിലം..

ഇനി വരുന്ന (2)

സ്വാർത്ഥ ചിന്തകളുള്ളിലേറ്റി സുഖങ്ങളെല്ലാം കവരുവോ..
ബാറ്‌ പൂട്ടി കളഞ്ഞുവോ കള്ള്‌കുടിയുടെ നന്മകൾ..

നാവ്‌ കിനിയും മനസുണർന്നാൽ വാറ്റ്‌ തന്നെ ജീവിതം..
നാവ്‌ കിനിയും മനസുണർന്നാൽ വാറ്റ്‌ തന്നെ ജീവിതം..

ഒരുമയോടെ നമുക്ക്‌ വാറ്റാം..
ചെമ്പെടുക്കിൻ കൂട്ടരേ..

ഇനി വരുന്നൊരു (2)

പെരിയ ബാറുകൾ, രമ്യഹർമ്മ്യം, അണുനിലയം, യുദ്ധവും..
ഇനി നമുക്കീ മണ്ണിൽ വേണ്ടത്‌ ചെറിയ ചെറിയ ബാറുകൾ..

വികസനം അത്‌ മർത്ത്യമനസിൻ അതിരിൽ നിന്ന് തുടങ്ങണം..

ബാറ്‌ പൂട്ടി വരുന്ന വികസനം നമുക്ക്‌ വേണ്ട കൂട്ടരേ..
ബാറ്‌ പൂട്ടി വരുന്ന വികസനം നമുക്ക്‌ വേണ്ട കൂട്ടരെ..

ഇനി വരുന്നൊരു (2)

ഉണ്ണി: "അമ്മെ ഊണായോ?"
ഉണ്ണി: "അമ്മെ ഊണായോ?"
അമ്മ: "ഇല്ല്യ.. ഊണ് കാലാവണേയുള്ളു.."
ഉണ്ണി: എന്തിന്റെ കാലാ.. ചിക്കനോ അതോ മട്ടണോ?

😂😂😜😝🤣🙊🙊🤣🤣🤣
തല്ലണ്ട ഞാന്‍ നന്നാവുല്ല


View Next Page



About Us | Contact Us | Android App | Privacy Policy | Unregister | Sitemap
Copyright © 2012-2018 JokesMalayalam.com. All Rights Reserved