JokesMalayalam.com

ഇന്ന് വെളുപ്പിന്  അജൂ ൻറെ മുന്നിൽ ഒരു മാലാഖ പ്രത്യക്ഷപ്പെട്ടു.!

അജൂ പറഞ്ഞു : ''മാലാഖേ, എനിക്ക്  ഒന്ന് കുമ്പസാരിക്കണം.?''

''അച്ചന്മാരോടല്ലേ  കുമ്പസാരിക്കേണ്ടത്...?
ഞാൻ മാലാഖയല്ലേ...?''

''അങ്ങനെ പറയരുത്.... ആദ്യമായി ഒരു മാലാഖയെ കാണുവാ ഞാൻ... എനിക്ക്  കുമ്പസാരിക്കണം...!!!''

മാലാഖ: അത്രക്ക് ആഗ്രഹമാണേൽ കുമ്പസാരിക്ക്..

''മാലാഖേ ഞാൻ ചെറുതായി കാശ് അടിച്ചുമാറ്റും..''

മാലാഖ: എവിടന്ന്...?

''എന്റെ ഭാര്യയുടെ  കുടുക്കയിൽ നിന്ന് !

ഇന്നലെ 300 രൂപ എടുത്തു..''

മാലാഖ: ഈ കാശ് എന്ത് ചെയ്തു...?

''ഞാൻ ചീട്ടു കളിക്കാൻ പോയി..''

''പിന്നെ?''

''ഭാര്യ അറിയാതെ ഞാൻ ഫേസ് ബുക്കിൽ പെണ്ണുങ്ങളുമായി  ചാറ്റ് ചെയ്യും !

മാലാഖ: (ഞെട്ടലോടെ) ങേ....?

''പിന്നെ, മാലാഖേ ഞാൻ മദ്യപിക്കും. ബാറിൽ പോയല്ല വീട്ടിൽ വച്ച്..!

അവള് കുളിക്കാൻ കേറുമ്പോ!

അല്ലേൽ ആ പണ്ടാരം പ്രശ്നമുണ്ടാക്കും.!''

മാലാഖ: അപ്പോ ഭാര്യയ്ക്ക് മണം കിട്ടില്ലേ.?

''ഹേയ്... ഇത് വോഡ്കയാ . മണം കുറവാ... പിന്നെ ഏലക്ക, ഗ്രാമ്പൂ അതൊക്കെ ചവയ്ക്കും...''

മാലാഖ: മദ്യം വീട്ടിലെവിടയാ ഒളിപ്പിക്കുക.?

''അതോ.? ഗ്യാസുകുറ്റിക്കു പുറകിൽ.''

മാലാഖ: ശരി... കുമ്പസാരിച്ചു കഴിഞ്ഞോ.

''മാലാഖേ എനിക്കൊരു ആഗ്രഹം കൂടി ഉണ്ട്...''

മാലാഖ: എന്താ...?

''എനിക്ക് മാലാഖയുടെ കയ്യൊന്നു മുത്തണം...ഞങ്ങൾ മലയാളികളുടെ ഒരു ശീലമാ. അത് ! മെത്രാന്മാരുടെം  കർദിനാൾ മാരുടേം  കൈ മുത്തുക എന്നത്  ! മുത്തുമ്പോൾ ഞങ്ങൾക്കും, മുത്തം കിട്ടുമ്പോൾ അവർക്കും ഒരു സന്തോഷം.!''

മാലാഖ തന്റെ വലത്തേ കൈ നീട്ടിയിട്ട് പറഞ്ഞു.. "ഇന്നാ മുത്ത്"

അജൂ മാലാഖയുടെ കയ്യിൽ മുത്തി...

അജൂ : "മാലാഖ രാത്രി മത്തികറി കൂട്ടിയാണോ ചോറുണ്ടത്"...?

മാലാഖ: എന്ത് പറ്റീ...?

''അല്ല മാലാഖയുടെ കയ്യിൽ മത്തികറിയുടെ മണമുണ്ട്...!''

മാലാഖ പിന്നീട് ഒന്നും മിണ്ടിയില്ല....

അജൂ വിളിച്ചു...''മാലാഖേ.... പോയോ..''..?



നിശബ്ദം...


അജൂ കണ്ണ് തുറന്നു നോക്കി..

മാലാഖ പോയിരിക്കുന്നു....



അപ്പോൾ  ഇടത് വശത്ത് പുതപ്പിനടിയിൽ നിന്നും ഭാര്യയുടെ ശബ്ദം !!


"നേരം വെളുത്തിട്ട് നിങ്ങളെ പകൽ വെളിച്ചത്തിൽ നിർത്തി ഞാൻ  ബാക്കി കൂടി  കുമ്പസാരിപ്പിക്കുന്നുണ്ട്".


ഗുണപാഠം:

രാത്രിയിൽ വെളളമടിച്ചാൽ അടങ്ങി ഒതുങ്ങി കിടന്നുറങ്ങിക്കോണം...

സ്വപ്നം കാണരുത്...

ഇനി കണ്ടാൽ തന്നെ വിളിച്ചു കൂവരുത്......

ഡാ , നിന്റെ അപ്പന് ഇപ്പോ എങ്ങിയുണ്ട് ..?
അപ്പനെ ഇന്നലെ കുഴിച്ചിട്ടു --
ങ്ങേ , അപ്പൻ മരിച്ചോ ..??!!!
ഇല്ല --
പിന്നെ ..???!!!
ഡോക്ടർ പറഞ്ഞു വല്യ പ്രതീക്ഷ ഒന്നുമില്ലെന്ന് , അതുകൊണ്ട് ഞാനങ്ങു കുഴിച്ചിട്ടു , ഏതായാലും മൂന്നോ നാലോ ദിവസം കഴിഞ്ഞു അത് വേണമല്ലോ ---
V ഫോർ വെളിവുകേട് ഡാ ... 💪😜

കുടിയന്മാർക്കായി കൊറോണകാലത്ത് 13 കല്പനകൾ..

1. ബീവറേജിലും ബാറിലും പോകുന്നവർ ദയവായി മാസ്ക്ക് ധരിക്കുക.

2. ബാറിൽ പോകുന്നവർ വീട്ടിൽ നിന്ന് ഗ്ലാസ് കൊണ്ട് പോകുക.

3. കൂട്ട് കൂടി മദ്യം കഴിക്കുന്നവർ “ലൗ സിപ്” ഒഴുവാക്കുക.

4. ടച്ചിങ്സ് വാങ്ങുമോൾ വെവ്വേറെ വാങ്ങുക.

5. ഷെയറിട്ട് അടിക്കുന്നവർ പണം വാങ്ങുന്നതിനും മുൻപും ശേഷവും കൈ വൃത്തിയായി കഴുകുക.

6. വാൾ വെക്കാൻ തോന്നുന്നവർ സ്വന്തം വീട്ടിലോ പറമ്പിലോ വെക്കുക.

7. വെള്ളമടിച്ചു കഴിഞ്ഞാൽ മുറുക്കുന്നവർ പൊതുസ്ഥലത്ത് തുപ്പാതിരിക്കുക.

8. വിദേശത്ത് നിന്ന് വന്നവർ കുപ്പി കാണിച്ച് വിളിച്ചാൽ സ്വയം നിയന്ത്രിക്കുക.

9. മദ്യത്തിൽ കുരുമുളകിട്ട് അടിച്ചാൽ കൊറോണ വരില്ലയെന്നുള്ള മെസ്സേജുകൾ കണ്ടാൽ വിശ്വസിക്കാതിരിക്കുക. അങ്ങനെയുള്ള മെസ്സേജ് പൊലീസിന് ഫോർവേഡ് ചെയ്യുക.

10. വിദേശത്ത് നിന്ന് വരുന്ന കുടിയന്മാർ എല്ലാവരും ആരോഗ്യവകുപ്പിന്റെ നിർദേശങ്ങൾ അനുസരിക്കുക.

11. അടിച്ചു പാമ്പായാലും , ഓടയിൽ കിടക്കാതെ എത്ര ശ്രമകരമായാലും വീട്ടിൽ കേറുക 🐍

12. എത്ര പാമ്പായി ഇഴയേണ്ടി വന്നാലും , മറ്റൊരാളുടെ സപ്പോർട്ട് ഇല്ലാതെ ഇഴഞ്ഞെങ്കിലും വീട്ടിൽ കേറുക 🐍 🤸🏻‍♀🐍

13. സ്നേഹം കൂടിയാലും ചുംബനങ്ങൾ ഒഴിവാക്കുക 💋കണ്ട്രോൾ കണ്ട്രോൾ 🥰🥰

😂😂😜😝🤣🙊🙊🤣🤣🤣

*mobile phone*

ഈ ഒരൊറ്റ *പണ്ടാരത്തിന്റെ* വരവോടെ നഷ്ടമായ സാധനങ്ങൾ :-

വീഡിയൊ ക്യാമറ പോയി

ക്യാമറ പോയി

വീഡിയൊ കാസറ്റ് പോയി

വിഡിയൊ mp3 cd പോയി

DVDപോയി

കമ്പ്യൂട്ടറും പോയി

ലാന്‍റ് ഫോണ്‍ പോയി

ടെലിവിഷന്‍ പോയി

റേഡിയൊ പാടെ പോയി

പാട്ട് കേള്‍ക്കുന്ന സൗണ്ട് സ്പീക്കറും പോയി

അലാറം ടൈപീസ് പോയി

കയ്യില്‍ കെട്ടുന്ന വാച്ചും പോയി

ടോര്‍ച്ച് പോയി

കത്ത് പോയി.

കലണ്ടര്‍ പോയി

ബുക്ക്സ് പോയി.

പേപ്പറും പെന്‍സിലും പോയി.

TV ഗൈമ് പോയി. കയ്യിലുള്ള പെെസ മാസം മാസം പോയി.

പിന്നെ പ്രധാനപ്പെട്ട ഒരുകാര്യം കൂടി പോയി..

പലരുടേയും ഉറക്കം

പെൺ കുട്ടികൾ കണ്ടവന്മാരുടെ കൂടെ പോയി....

അമ്മ മാർ വഴിതെറ്റി പോയി

അവസാനം മകന്‍ പുലര്‍ച്ചേ
3:00 മണി വരെ ഓണ്‍
ലൈനില്‍ ഉണ്ടെന്നറിഞ്ഞ്
അച്ഛന്‍ പട്ടിയേയും വിറ്റു.

അതും പോയി.

അവർ പാടുന്നത്..

I'm a barby girl.. 🎵🎶🎼
In this barbie world...
Come on barbie...
Lets go party...
🎵🎶🎼
നമ്മൾ കേൾക്കുന്നത് !!-

ഹംബംബാടി ഗേൾ... 🎵 🎼
സിങ്ക്മംബാടി ഗേൾ... 🎶
ഹംബംബാടി.. 🎼
ഡിസ്കംബാടി....
🎵🎶🎼


😜😜😜

അവസ്ഥ

കല്ല്യാണം കഴിഞ്ഞിട്ട് ദുബായിലോട്ട് പോന്നതാ. പിന്നെ ഇപ്പോഴാണ് ലീവ് കിട്ടുന്നത്. ഒഴിവ് സമയങ്ങളിലെല്ലാം വാങ്ങിച്ച് കൂട്ടിയ സാധനങ്ങളുമായി നാട്ടിലേക്ക് പോകുന്നതിന്റെ തലേ ദിവസം കൂട്ടുകാരുടെ വക ഒരു ചെറിയ പാർട്ടി.
ഏയ് !... തെറ്റിദ്ധരിക്കരുത്... ! ആ പാർട്ടിയല്ല ഇത് വെറും ഫുഡ് അടി പാർട്ടി.
കാര്യമായിട്ട് തന്നെ കഴിച്ചു. അല്ലെങ്കിലും ഭക്ഷണം മുന്നിൽ വന്നാൽ എന്റെ സാറേ... പിന്നെ ചുറ്റുമുള്ളത് ഒന്നും കാണില്ല.

കൂട്ടുകാരാണ് എയർപോർട്ടിൽ കൊണ്ട് വിട്ടത്. പുലർച്ചയാണെങ്കിലും നല്ല തിരക്കായിരുന്നു.
ഇത് പോലെ ഒരു എയർപോർട്ട് നമുക്ക് സ്വന്തമായിട്ട് തുടങ്ങിയാലോ? നല്ല ലാഭമായിരിക്കും അല്ലെ..? എത്ര ഉർപ്പിക വേണ്ടി വരുമോ ആവോ ?!

വലിയ വലിയ ചിന്തകളുമായി ഉന്തി തള്ളി കൗണ്ടറിൽ എത്തി സാധനങ്ങൾ തൂക്കം നോക്കിയപ്പോൾ പതിവ് പോലെ ഭാരം കൂടുതൽ. ഒന്നുകിൽ സാധനം മാറ്റണം അല്ലെങ്കിൽ കൂടുതൽ പണമടക്കണം.
ഞാൻ പാവമാണ്. എന്റെ കയ്യിൽ കാശില്ല. ചെറിയ ശമ്പളക്കാരനാ എന്നൊക്കെ ആ ചുണ്ടു ചുവപ്പിച്ചിരിക്കുന്ന ചേച്ചിയോട് പറഞ്ഞ് നോക്കി. അവരല്ലാത്രെ അതിന്റെ മുയലാളി. അവർക്കൊന്നും ചെയ്യാൻ പറ്റില്ലാന്ന്...! അവസാനം മാറിയിരുന്ന് കെട്ടിയ പെട്ടി അഴിച്ചു..ഭാര്യയെ ഞെട്ടിക്കാനായി കൊണ്ട് പോകുന്ന ഗൾഫ് സോപ്പു പൊടിയും മിഠായിയും മാറ്റിയപ്പോഴെ അവൾക്ക് സമാധാനമായുള്ളൂ.. ദുഷ്ഠേ...!
ഞാൻ മാറ്റുന്ന സാധനങ്ങൾ കണ്ടപ്പോൾ.. വേറൊരാൾ പറഞ്ഞിട്ടു പോകുന്നുണ്ടായിരുന്നു.
"ഇതൊക്കെ ഇപ്പോ നാട്ടിലും കിട്ടും ഭായ്. വെറുതെ ഇവിടുന്ന് കെട്ടിവലിച്ച് കൊണ്ട് പോകണ്ട ". എന്ന് .
ഇനി പറഞ്ഞിട്ട് കാര്യമില്ല ചേട്ടോ.. എന്ന് ഞാനും ആത്മഗതം ചെയ്തു.

കാശ് കൊടുത്ത് വാങ്ങിയ സാധനങ്ങൾ അവിടെ ഉപേക്ഷിച്ച ദു:ഖഭാരത്തിൽ ബോർഡിംഗ് പാസ്സും വാങ്ങി എമിഗ്രേഷനിലെത്തുമ്പോഴെക്കും വല്ലാതെ വൈകി. ബോർഡിംഗ് ഗെയ്റ്റിന്റെ അവിടെയെത്തുമ്പോഴേക്കും ആളുകൾ ഫ്ലൈറ്റിലേക്ക് കയറി തുടങ്ങിയിരുന്നു.
സീറ്റ് തപ്പി പിടിച്ചിരിന്നപ്പോൾ വയറിനെന്തോ ഒരു കിരുകിരുപ്പ്. ഇന്നലെ വാരിവലിച്ച് കഴിച്ചതിലെന്തെങ്കിലും വയറിന് പിടിച്ചില്ലെ... ? എന്താണാവോ?...

വിമാനം പൊന്തട്ടെ എന്നിട്ടാവാം. എന്ന് കരുതി. വിമാനം പൊന്തി അധികം കഴിയാതെ തന്നെ ഞാനും സീറ്റില്‍ നിന്നും പൊന്തി..ഇരിക്കപ്പൊറുതി കിട്ടണ്ടെ...!
എഴുന്നേറ്റ് ടോയ്ലറ്റ് ലക്ഷ്യമാക്കി നടന്നു. മുൻവശത്തെ ടോയ്ലറ്റിലേക്കാണ് പോയത്. അവിടെ ചെന്നപ്പോൾ ഉള്ളിൽ ആള്...!
ഞാനാണെങ്കിൽ അഗ്നിപർവ്വതം പുകയുന്ന അവസ്ഥയിലും. നാടു തടുത്താലും മൂട് തടുക്കാൻ പറ്റില്ല എന്നല്ലേ.. എന്നാലും മൂട് ചുമരിൽ അമർത്തി ഒരു ശ്രമം നടത്തി നിന്നു.

ഹാവൂ ..! ഉള്ളിലെയാൾ അരങ്ങൊഴിഞ്ഞു.
ഇനി എന്റെ ഊഴം..
ഫ്ലൈറ്റിലെ ടോയ്ലറ്റിലിരിക്കുക എന്ന് പറഞ്ഞാൽ അതൊരു ചടങ്ങാ..
പ്രത്യേകിച്ച് ടൈറ്റ് ജീൻസൊക്കെ ഇട്ടാൽ.
എങ്ങിനെ നോക്കിട്ടും ഇരിക്കാൻ പറ്റുന്നില്ല. അവസാനം ജീൻസും ഷഡ്ഢിയും ഒക്കെ ഊരേണ്ടി വന്നു.
ഹാവൂ....! കാര്യം സമാധാനമായി.

കഴുകാൻ നോക്കിയപ്പോഴോ..? വെള്ളമെടുക്കാൻ ഒരു രക്ഷയുമില്ല...! സാധാരണ ഒരു ചെറിയ കുപ്പി പോക്കറ്റിൽ തിരുകിയാണ് പോകാറ്. ഇത്തരം സന്ദർഭത്തിൽ അതുപയോഗിച്ചു ശൗച്യം ചെയ്യും.. ഇന്ന് ധൃതിയിൽ അതും മറന്നു.
അവസാനം അവിടെയുള്ള ടിഷ്യു പേപ്പറിൽ കാര്യം സാധിക്കേണ്ടി വന്നു.

അല്ല.. ! ഈ വലിയ വലിയ ആൾക്കാർക്കെ കോട്ടും സൂട്ടുമിട്ട് പത്രാസിൽ ഇതിന്റെ ഉള്ളിൽ പോയി വരുമ്പോൾ ഇങ്ങനെയൊക്കെ തന്നെയാണോ ചെയ്യുക. അല്ലാതെ വേറെ എന്ത് ചെയ്യും അല്ലെ...? കഷ്ടം...!

ഈ ടിഷ്യൂ പേപ്പർ ഉപയോഗിച്ചാൽ ഒരു മനസ്സമാധാനവും കിട്ടില്ല. അവിടെയുള്ള ഏകദേശം പേപ്പറും തീർത്തു.
ഒടുവിൽ മനസ്സില്ലാ മനസ്സോടെ എഴുന്നേറ്റ് ഷഡ്ഡി ഇടാൻ നോക്കിയപ്പോൾ സംഭവം കാണാനില്ല...!

എവിടെയുമില്ല... ! ആ ഇട്ടാവട്ടത്തിൽ നോക്കാവുന്നിടത്തെല്ലാം നോക്കി. ഇല്ല ... !
ഇനി ഇപ്പോ എന്ത് ചെയ്യും..?
നേരത്തെ ടിഷ്യു പേപ്പർ ഉപയോഗിച്ച് തുടച്ച് നിറച്ച വേയ്സ്റ്റ് ബിന്നിൽ വരെ കയ്യിട്ട് നോക്കേണ്ടി വന്നു.
പക്ഷെ അതിലും സാധനമില്ല..! പിന്നെ ഇതിപ്പോ എവിടെ പോയി?...
വാതിലിൽ ആരോ പിടിച്ചു വലിക്കുന്നുണ്ട് .. ആൾക്കും ധൃതിയുണ്ടാകും. എത്രയെന്ന് കരുതിയാ ഇതും നോക്കി ഇവിടെ ഇരിക്കാ.
അവസാനം മനസ്സില്ലാ മനസ്സോടെ ഷഡ്ജമിടാതെ ജീൻസിട്ട് പുറത്തേക്കിറങ്ങി.

പുറത്തേക്കിറങ്ങിയപ്പോൾ, കയറാനുള്ളയാൾ കാര്യമായി സൂക്ഷിച്ചു നോക്കുന്നുണ്ട്. ഇറങ്ങാൻ വൈകിയതിന്റെ കലിപ്പായിരിക്കും.

എന്നാലും അതെവിടെ പോയി?.. എന്നാലോചിച്ചു സീറ്റിലേക്ക് നടന്നു.
പോകുന്ന വഴിയിൽ ഇടതും വലതും ഉറങ്ങാതെയിരിക്കുന്നവരിൽ ചിലർ കാര്യമായി നോക്കുന്നുണ്ട്. ചില പെണ്ണുങ്ങൾ ചിരിയടക്കാൻ പാടുപെടുന്ന പോലെ. ഇവർക്കെല്ലാം മനസ്സിലായോ ഞാൻ അതിടാതെയാണ് വരുന്നത് എന്ന്...! ആവോ?
ഒടുവിൽ സീറ്റിലെത്തി. ഭാഗ്യം സൈഡ് സീറ്റിൽ ഇരിക്കുന്നവരെല്ലാം ഉറക്കത്തിലായിരുന്നു. വെള്ളം തൊടാത്ത തിനാല്‍ വല്ലാണ്ട് അമര്‍ന്നിരിക്കാന്‍ മനസ്സും അനുവദിക്കുന്നില്ല ...

എന്നാലും അതെവിടെ പോയി...?

ഇതിനിടയിൽ എയർഹോസ്റ്റസ് വരുന്ന വഴിയിൽ എന്നെ നോക്കി. പിന്നെ ഒന്നും കൂടി നോക്കി. പിന്നെ ചിരിച്ചു. ഞാനും ചിരിച്ചെന്ന് വരുത്തി.

ഇവൾക്കും മനസ്സിലായോ?.....

അവൾ അടുത്ത് വന്നു ചിരിച്ച് കൊണ്ട് ഇംഗ്ലീഷിൽ എന്തോ പറഞ്ഞു..
പറഞ്ഞത് മുഴുവനും മനസ്സിലായില്ലെങ്കിലും, പറയുന്ന വാക്കുകളിൽ Sir എന്നും Under wear എന്നും മനസ്സിലായി...

ങ്ങെ ! ... ഇനിപ്പോ ഇവൾക്കെങ്ങാനും കിട്ടിയോ...?

ഞാൻ എവിടെ എന്ന അർത്ഥത്തിൽ കൈ കൊണ്ട് ചോദിച്ചു.
അവൾ എന്റെ ഷോൾഡറിലേക്ക് ചൂണ്ടി. ഞാൻ നോക്കി ..
ധൃതിയിൽ ഊരിയിട്ട ഷഡ്ജം എന്റെ ഷോൾഡറിൽ....!

ഇത്രയും ആളുകൾക്ക് മുന്നിലൂടെ ആ ഷഡ്ജവും തോളിലിട്ട് ഗമയിലുള്ള എന്റെ ഒരു നടത്തം.....! ഹോ. ആലോചിക്കാൻ വയ്യ

പതതാം ക്ലാസിൽ  എല്ലാ വിഷയത്തിനും തോറ്റ  കുട്ടിയെ  വഴക്ക് പറഞ്ഞപ്പോൾ

കുട്ടി പറഞ്ഞ മറു പടി കേട്ട് പകച്ചുപോയി

****************************



അവന്  പഠിക്കാൻ വർഷത്തിൽ ഒരു ദിവസം പോലും കിട്ടണില്ലാത്രേ  !!



ഒരു വർഷത്തിൽ അകെ ഉള്ളത് 365 ദിവസമാണെന്ന് അവന് വളരെ കൃത്യമായി അറിയാം ...!



ദിവസവും ഉറങ്ങാൻ 8 മണിക്കൂർ വീതം പോകും

അങ്ങനെ വര്‍ഷത്തില്‍ ആകെ ടൊട്ടല്‍ മൊത്തം 122 ദിവസം പോയി കിട്ടും..!



ബാക്കി 365 - 122 = 243 ദിവസം...



അതിൽ 61 ദിവസം സമ്മർ വെക്കേഷൻ ആണ്..



ബാക്കി 243 - 61 = 182 ദിവസം.

.

അതിൽ 52 ദിവസം ഞായറാഴ്ച ആണ്



ബാക്കി 182 - 52 = 130 ദിവസം.



അതിൽ 40 ദിവസം  , ഓണം,കൃസ്മസ് ,റംസാൻ തുടങ്ങിയ അവധികളാണ്..



ബാക്കി 130 - 40 = 90 ദിവസം



പിന്നെ 15 ദിവസം കലോത്സവത്തിന് പോകുന്നു..



ബാക്കി 90 - 15 = 75 ദിവസം



അതിൽ ആഹാരം കഴിക്കാനും , കുളിക്കാനും എല്ലാമായി

ദിവസവും 3 മണിക്കൂർ വീതം പോകുന്നു..

വർഷത്തിൽ മൊത്തം 46 ദിവസം.



ബാക്കി 75 - 46 = 29 ദിവസം...



എല്ലാ ദിവസവും 1 മണിക്കൂർ വീതം കൂട്ടുകാരുടെ കൂടെ ചിലവഴിക്കുന്നു..



വർഷത്തിൽ 15 ദിവസം അങ്ങനെ പോകുന്നു..



ബാക്കി 29 - 15 = 14 ദിവസം.



അതിൽ 10 ദിവസം അസുഖം വരുമ്പോൾ പോകുന്നു..



ബാക്കി 14 - 10 = 4 ദിവസം.



പിന്നെ ടിവി കാണുന്നതിന് ഒരു വർഷത്തിൽ 3 ദിവസം പോകും..



പിന്നെ ശേഷിക്കുന്നത് വർഷത്തിൽ 1 ദിവസം...



ആ 1 ദിവസം ബർത്ത് ഡേ ആഘോഷത്തിനായി പോകും...



പിന്നെ പഠിക്കാൻ സമയമെവിടെ ...?



ചെക്കന്‍ ചോദിച്ചതിലും പറഞ്ഞതിലും ഒരു തെറ്റും ഇല്ലാ അല്ലേ !!



പിന്നെ ഒരു മനഃസുഖത്തിന് രണ്ടെണ്ണം പൊട്ടിച്ച് പേപ്പറും കൊടുത്ത് വിട്ടു !!

😂😂😜😝🤣🙊🙊🤣🤣🤣

പണ്ട് പണ്ട് ഇൻഡ്യയിൽ കുറെ മലയാളീസുണ്ടായിരുന്നു..
പക്ഷെ അന്ന് കേരളം ഉണ്ടായിരുന്നില്ലല്ലോ..
അതുകൊണ്ട് ഈ  മലയാളികളെല്ലാം തമിഴ്നാട്ടിലായിരുന്നു താമസിച്ചിരുന്നത്..

പക്ഷെ തമിഴന്മാർക്ക് നുമ്മ മലയാളീസിനോട് ഒരു ഓഞ്ഞ പുഛമുണ്ടല്ലോ..
പണ്ട് അത് കുറെക്കൂടി കൂടുതലായിരുന്നു..
പിൽക്കാലത്ത് കേരളമുണ്ടാകുമെന്നോ നമ്മളിവിടെ മുല്ലപ്പെരിയാർ ഡാം പണിയുമെന്നോ തമിഴന്മാർക്ക് അതിൽ നിന്ന് വെള്ളം മോട്ടിച്ച് ജീവിക്കേണ്ടി വരുമെന്നോ അന്ന് അണ്ണന്മാർ കരുതിക്കാണില്ല..

തമിഴന്മാരുടെ പുഛം സഹിക്കവയ്യാതെ മലയാളീസ് ഒരു  തീരുമാനമെടുത്തു..
മലയാളീസിനു മാത്രമായി ഒരു സംസ്ഥാനം വേണം..

പണ്ട് കാലത്തൊക്കെ ഇല്ലാത്ത എന്തെങ്കിലും വേണമെങ്കിൽ എല്ലാവരും ചെയ്യുന്ന പരിപാടി ഉണ്ടല്ലോ..
ഒരു ടാക്സി വിളിച്ച് ഏതെങ്കിലും കാട്ടിൽ പോയി ഇരുന്നോ നിന്നോ ഒറ്റക്കാലിലോ ഒക്കെ അങ്ങ് തപസ് ചെയ്യും..

ഈ മലയാളീസും അത് തന്നെ ചെയ്തു..
നേരെ സത്യമംഗലം കാട്ടിൽ പോയി മഹാവിഷ്ണുവിനെ തപസ് ചെയ്ത് വരുത്താനുള്ള പരിപാടി തുടങ്ങി...
അതിനിടയ്ക്ക് തമിഴ്നാട്ടിൽ നിന്ന് ഓരോ മണ്ടന്മാർ വന്ന് " തപസ് ചെയ്യണ്ടവർ പാക്കിസ്ഥാനിൽ പൊക്കോണം " എന്നൊക്കെ പറഞ്ഞ് തപസ് മുടക്കാൻ ശ്രമിച്ചെങ്കിലും നമ്മുടെ മലയാളീസ് അതൊന്നും മൈൻഡാക്കാതെ ഘോര തപസ് തുടർന്നു..

ഏഴാം ദിവസം മഹാവിഷ്ണു സത്യമംഗലം കാടുകളിലെ CC TV ദൃശ്യങ്ങൾ പരിശോധിക്കുന്നതിനിടെയാണ് കുറെപേർ തന്റെ പേരൊക്കെ വിളിച്ച് പറഞ്ഞ് ജോളിയടിച്ച് തപസ് ചെയ്യുന്നത് കണ്ടത്..
വരം കൊടുക്കാൻ കൈ തരിച്ച് വായിൽ വിരലിട്ട് രണ്ട് വിസിലുമടിച്ച് മഹാവിഷ്ണു അങ്ങോട്ട് പോകാൻ റെഡിയായി ...
ഹാളിൽ ചെന്നപ്പൊ ദേ വൈഫ് ലക്ഷ്മിദേവി സോഫയിൽ ഇരുന്ന് സീരിയൽ കാണുന്നു..
പുള്ളിക്കാരി ചെറഞ്ഞ് നോക്കി ഒരു ചോദ്യം..

"വിഷ്ണുവേട്ടൻ ഇപ്പൊ എവിടെ പോകുന്നു..? "

" ഞാൻ.. വരം കൊടുക്കാൻ.."

" വിഷ്ണുവേട്ടൻ... വിഷ്ണുവേട്ടനിപ്പൊ പോണ്ട ".

" ങെ.. ഞാൻ പോണ്ടേ..?
ഞാൻ രാവിലേങ്കൂടി പറഞ്ഞതാണല്ലോ ആരെങ്കിലും തപസ് ചെയ്താൽ വരം കൊടുക്കാൻ ഞാമ്പോകൂന്ന്..
ഇപ്പൊ എന്താ ഒരു മനം മാറ്റം ?"

"വേണ്ട.. വിഷ്ണുവേട്ടനിപ്പൊ പോകണ്ട "

" അതെന്താ മലയാളീസിന് വരം കൊടുക്കാൻ ഞാൻ കൂടെ പോയാല്.?
എന്താ..? "

" പോകണ്ടാന്ന് പറഞ്ഞാൽ പോകണ്ട "..

ഇവിടുന്ന് സ്കൂട്ടാകണമെങ്കിൽ നാഗവല്ലൻ ആകുകയെ രക്ഷയുള്ളു എന്ന് മഹാവിഷ്ണുവിനു മനസിലായി..
പുള്ളിക്കാരൻ ടോൺ ഒന്ന് മാറ്റിപ്പിടിച്ചു

" വിടമാട്ടേ..? നീ എന്നെ ഇങ്കെയിരുന്ത് എങ്കെയും വിടമാട്ടേ..?
അയോക്ക്യ നായേ.. മറ്റന്നാള് തിങ്കളായ്ച.. ഉന്നെ ഉന്റെ വീട്ടിൽ കൊണ്ടോയി വിട്ട് അവിടുള്ളതെല്ലാം തിന്ന് മുടിപ്പിച്ച് അമ്മായിഅപ്പനെയും തല്ലി ഓങ്കാര നടനമാടിടുവേൻ "..

" വിഷ്ണുവേട്ടാ...!!! :o "

" അയ്യോ ലക്ഷ്മീ..
ഞാനിപ്പൊ എന്താ പറഞ്ഞെ..?
എനിക്കെന്താ പറ്റ്യെ.?"

" ഇല്ല..‌ വിഷ്ണുവേട്ടനൊന്നൂല്ല..
വേം പോയി വരം കൊടുത്തേച്ചും ബാ.."

പാവം ലക്ഷ്മീദേവി പേടിച്ചുപോയ്..

അങ്ങനെ വൈഫിന്റെ മനസ് മാറുന്നതിനുമുമ്പ് മഹാവിഷ്ണു സത്യമംഗലം കാട്ടിലേക്ക് പുറപ്പെട്ടു..
എന്ത് വരമാണ് വേണ്ടതെന്ന് ചോദിച്ചപ്പോൾ സ്വന്തമായിട്ട് സംസ്ഥാനം വേണമെന്ന് മ്മടെ മലയാളീസും പറഞ്ഞു..
ഒരാഴ്ചയ്ക്കുള്ളിൽ സംസ്ഥാനം സെറ്റപ്പാക്കാമെന്ന് ഭഗവാൻ വാക്കും കൊടുത്തു...

തിരിച്ച് പോരുന്ന വഴിക്കാണ് മഹാവിഷ്ണു അറബിക്കടലിൽ മുങ്ങിക്കിടക്കുന്ന കേരളം എന്ന സാധനത്തിന്റെ കാര്യം ഓർക്കുന്നത്..
പ്രത്യേകിച്ച് ജോലിയൊന്നുമില്ലാതെ കാൻഡി ക്രഷും കളിച്ചിരിക്കുന്ന തന്റെതന്നെ പരശുരാമൻ എന്ന അവതാരത്തെ വിട്ട് കേരളം പൊക്കിയെടുപ്പിച്ച് മലയാളികൾക്ക് കൊടുത്തേക്കാം എന്ന് മഹാവിഷ്ണു തീരുമാനിച്ചു..
പരശുരാമന് ഒരു പണിയുമാകും..

പിറ്റേന്ന് മഹാവിഷ്ണു പരശുരാമനെ വീട്ടിലേക്ക് വിളിച്ച് വരുത്തി..
പരശുരാമൻ വെറുതെയിരുന്ന് വേരിറങ്ങി ബുദ്ധി ഈയിടെയായി അല്പം പിന്നോട്ടാണ്..

മഹാവിഷ്ണുവും പരശുരാമനും തമ്മിൽ നടന്ന സംഭാഷണം..

വിഷ്ണു : " ഹായ് പരശു ബ്രോ.. എന്തെല്ലാ..? "

പരശു : " നല്ലന്നെപ്പാ.. ങ്ങളെന്തിനാ വരാമ്പറഞ്ഞത്..?
കൊട്ടേഷനുണ്ടാ..? "

വിഷ്ണു :" ആ... ചെറിയൊരു പണിയുണ്ട്..
പുറകിലെ വിറക്പുരയിൽ ഒരു മഴു ഇരുപ്പുണ്ട് ..
നീയതെടുത്തോണ്ട് പോയി.."..

പരശു : " വിറക് മൊത്തം കീറിയിടണം അല്ലേ..?"

വിഷ്ണു : " മൊത്തം കേക്കടാ മണ്ടാ..
നീ ആ മഴു അറബിക്കടലിൽ എറിഞ്ഞ് കേരളം പൊക്കിയെടുക്കണം"

പരശു : " അത് ഞാനേറ്റു "..

വിഷ്ണു : " അത് കഴിഞ്ഞ് ആ മഴു നീ വിറക്പുരയിൽ തന്നെ ഒളിപ്പിക്കണം ..
ഒരാളും അറിയരുത് അത് നിന്റെ കയ്യിലുണ്ടെന്ന് "..

പരശു : " അതിന് മഴു എന്റെ കയ്യിലില്ലല്ലോ "..

വിഷ്ണു : " എടാ നീ വിറക്പെരയീന്ന് മഴു എടുക്കൂല്ലോ..?"

പരശു : " എടുക്കണാ..? "

വിഷ്ണു : " പിന്നെ നിന്നോടിത്ര നേരം പറഞ്ഞതെന്താടാ..?
മഴു വിറക്പെരയീന്ന് എടുത്ത് എറിഞ്ഞ് കഴിഞ്ഞ് ഒളിപ്പിക്കുമ്പൊ നിന്റെ കയ്യിലല്ലേ ഉള്ളത്..?
അതാരും അറിയരുതെന്നാ പറഞ്ഞത്.."

പരശു : " ഞാൻ മഴു ഒളിപ്പിച്ച് കഴിഞ്ഞാൽ എന്റെ കയ്യിൽ കാണൂല്ലല്ലോ ?"..

വിഷ്ണു : " എങ്കിലും മഴു നിന്റെ കയ്യിലാണല്ലോ?"..

പരശു : " എന്റെ കയ്യിലില്ലല്ലോ..
ഞാനതൊളിപ്പിച്ചില്ലേ..? "

വിഷ്ണു : " നിന്റെ കയ്യിൽ വന്നതിനു ശേഷമല്ലേ നീ മഴു ഒളിപ്പിച്ച് വെക്കുന്നത്..?"

പരശു : " ഒളിപ്പിച്ച് കഴിഞ്ഞാൽ മഴു എന്റെ കയ്യിൽ കാണൂല്ലല്ലൊ? " ..

വിഷ്ണു : " എടാ കഴുതേ മഴു എവിടാന്ന് നിനക്കറിയില്ലേ..?"

പരശു : " വെറക് പെരയില്"..

വിഷ്ണു : " ഇപ്പൊ അല്ല..
നീ മഴു എറിഞ്ഞ് കേരളം ഉണ്ടാക്കിക്കഴിഞ്ഞ്.."

പരശു : " അപ്പൊ എന്റെ കയ്യില്..
പക്ഷെ അതുകഴിഞ്ഞ് ഞാനത് ഒളിപ്പിച്ച് വെക്കൂല്ലോ..?
അപ്പൊ എന്റെ കയ്യിൽ കാണൂല്ലല്ലോ വിഷ്ണു അച്ചായാ..?"

വിഷ്ണു : " എടാ നിന്റെ കയ്യിൽ ഉള്ളതുകൊണ്ടല്ലേ നീയത് ഒളിപ്പിച്ച് വെക്കുന്നത്..?"

പരശു : " ഒളിപ്പിച്ച് വെക്കുന്നോണ്ടല്ലേ മഴു എന്റെ കയ്യിൽ കാണൂല്ലാന്ന് പറഞ്ഞത്.? "

വിഷ്ണു : " ഒളിപ്പിക്കുമ്പൊ നിനക്കറിയാല്ലോ മഴു നിന്റെ കയ്യിലുണ്ടെന്ന്..?
അതാരും അറിയരുതെന്നാ അച്ചായൻ പറഞ്ഞത്.."

പരശു : " എന്റെ കയ്യിൽ ഉണ്ടെങ്കിലല്ലേ അച്ചായാ എന്റെ കയ്യിലുണ്ടെന്ന് ആൾക്കാരറിയൂ..?
എന്റെ കയ്യിലില്ലല്ലോ..
ഞാനത് ഒളിപ്പിച്ച് വെച്ചില്ലേ..? "

വിഷ്ണു : " ഹോ... മണ്ടൻ...!!
ഇപ്പൊ മഴു എവിടാ ഇരിക്കുന്നെ..? "

പരശു : " വെറക് പെരയില്.."
വിഷ്ണു : " അവിടിരുന്നോട്ട്.. അവിടിരുന്നോട്ട്.. അവിടെ വെച്ചേക്ക്
പോ പോ പോ..."

പരശു : " ശ് ശ്.."

വിഷ്ണു : " എന്താണ്..?"

പരശു : "അപ്പൊ മഴു അവിടുന്ന് എടുക്കണ്ടേ..? "

വിഷ്ണു : " എടുക്കണം...
അതവിടുന്ന് എടുക്കുമ്പൊ നിന്റെ കയ്യിലല്ലേ ഉണ്ടാവുക..? "

പരശു : " അതെ "..

വിഷ്ണു : " അത് നിന്റെ കയ്യിലുണ്ടെന്ന് മറ്റാരും അറിയരുതെന്നാ അച്ചായൻ പറഞ്ഞോണ്ടിരുന്നത്.."

പരശു : " അതിന് ഞാൻ മഴു വെറക് പെരയിൽ ഒളിപ്പിച്ച് വെച്ചാൽ പിന്നെ എന്റെ കയ്യിൽ കാണൂല്ലല്ലോ അച്ചായാ"..

വിഷ്ണു : " പോടാ പൊട്ടക്കണ്ണാ .. തെണ്ടീ..
എന്റെ കണ്മുന്നിൽ കണ്ടേക്കല്ല്..
കൊന്നു കളയൂടാ ഊളപ്പരശൂ.."

പരശു : " ഇതാ പരമശിവൻ അച്ചായൻ എപ്പൊളും പറയുന്നത് വിഷ്ണു അച്ചായന് വിവരമില്ലാന്ന് .."
 
പണ്ടാരക്കലിപ്പടിച്ച് മഹാവിഷ്ണു ഇറങ്ങി എങ്ങോട്ടോ പോയി..

പിറ്റേന്ന് നവംബർ ഒന്നായിരുന്നു..

പരശുരാമൻ വിറക് പുരയിൽ പോയി മഴു എടുത്ത് നേരെ അറബിക്കടലിന്റെ കരയിലേക്ക് പോയി..
ആരുമില്ലാത്ത ഒരു സൈഡിൽ പോയി നിന്ന് മഴു എടുത്ത് ഉന്നം പിടിച്ച് ആഞ്ഞൊരേറ് കൊടുത്തു..

എന്നിട്ട് കേരളം പൊങ്ങി വരുന്നതും കാത്ത് നിന്നു..
കുറച്ച് നേരമായിട്ടും അനക്കമൊന്നുമില്ല..

പെട്ടന്ന് ദാ പൊങ്ങിവരുന്നു..!!
കേരളമല്ല..
മറ്റേ ജലകന്യക..

ഏതാ..?

മറ്റേ കോടാലി വെള്ളത്തിൽ പോകുമ്പോൾ എടുത്ത് കൊടുക്കുന്ന ഒരു ജല കന്യക ഇല്ലേ..?
ആ പുള്ളിക്കാരി..

മഴുവും എടുത്തോണ്ട് വന്ന് കന്യക ഒരു ചോദ്യം..

" എക്സ്ക്യൂസ്മി.. ഈ കോടാലി ചേട്ടന്റെയാണോ..?"

പരശുരാമൻ സൈക്കിളിൽ നിന്ന് വീണ ഒരു ചിരി ചിരിച്ചിട്ട് പറഞ്ഞു..

" സോറി ... എന്റെയാണ്..
ഇങ്ങ് തന്നേക്കൂ"..

കോടാലി കൊടുത്തിട്ട് കന്യക ഒരുപദേശവും കൊടുത്തു..

" ഇതൊക്കെ സൂക്ഷിക്കണ്ടേ ചേട്ടായീ..
ഞാൻ ഈ വഴി വന്നതുകൊണ്ട് ഇപ്പൊ കിട്ടി..
ഇല്ലാരുന്നെങ്കിലോ..? "

പരശു : " വെരി താങ്ക്സ്..
അല്ലാ.. ചേച്ചിക്ക് ഇത് തന്നേ പണി..? "

കന്യക : " എനിക്ക് വേറെന്താ പണി ?
ഇതൊക്കെ തന്നെ പണി "

പരശു : " ബൈ ദ വേ..
വാട്ട്സപ്പിലുണ്ടോ..?"

കന്യക : " ഇല്ല.. ചേട്ടൻ കോടാലിയും കൊണ്ട് ചെന്നാട്ടെ..
ഞാൻ എൻഗേജ്ഡാ.."

ജലകന്യക അപ്രത്യക്ഷയായി..

അഞ്ച് മിനിറ്റ് കഴിഞ്ഞ് പരശു മഴുവെടുത്ത് വീണ്ടും എറിഞ്ഞു..

പണ്ടാരടങ്ങാൻ രണ്ട് മിനിറ്റ് കഴിഞ്ഞ് ദാ വരുന്നു ജലകന്യക കോടാലിയും പൊക്കിപ്പിടിച്ചോണ്ട്..!!

" എന്തോന്നാ ചേട്ടാ ഇത്..?
ഒരുത്തരവാദിത്വവും ഇല്ലല്ലോ.? "

ജലകന്യക നല്ല പീസായതുകൊണ്ട് ദേഷ്യം വന്നെങ്കിലും പരശു പുറമെ കാണിച്ചില്ല..
ഇത്തവണയും താങ്ക്സ് പറഞ്ഞ് മഴു വാങ്ങി കന്യകയെ മടക്കി അയച്ചു..

കുറച്ച് കഴിഞ്ഞ് പരശു വേറൊരു ഏരിയയിൽ പോയി ശക്തി സംഭരിച്ച് മഴു എടുത്ത് ആഞ്ഞൊരേറ്..
 
പണി പിന്നേം പാളി..
ഇത്തവണ കോടാലിയും കൊണ്ട് വന്ന് ജലകന്യക നന്നായിട്ടൊന്ന് ചൂടായി..

" ദേ ഒരുമാതിരി മറ്റേപ്പരിപാടി കാണിക്കല്ല്..
ഇനി കോടാലി വെള്ളത്തിൽ കളഞ്ഞാൽ ഞാൻ എടുത്ത് തരൂല്ല കെട്ടോ.."

പരശുവിന് ശരിക്കും കുരു പൊട്ടി..
മൂപ്പര് രണ്ട് ചാട്ടവും കൂടെ ഒരലർച്ചയും..

" നീയിത് എവിടുന്ന് വരുന്നെടീ മരംഭൂതമേ..?
ഇനി കോടാലി എടുത്തോണ്ട് വന്നാൽ ....... :/ :/
തെറ്റിക്കഴിഞ്ഞാൽ ഈ പരശു വെറും ചെറ്റയാടീ ചെറ്റ .. " 😠

പേടിച്ച് പോയ ജലകന്യക നേരെ ശ്രീലങ്കയിലേക്ക് ഓടിപ്പോയി... 💃

അങ്ങനെ നാലാം വട്ടം പരശുരാമൻ മഴു എറിഞ്ഞിട്ടാണ് കേരളം പൊങ്ങി വന്നത്.. 🌞

ആ കേരളമാണ് ഇപ്പൊൾ നമ്മൾ താമസിക്കുന്ന കേരളം.. 🌴🌴😉

ഏവർക്കും കേരള പിറവി ദിനാശംസകൾ..😄

ആദ്യമായി കേരളത്തിൽ i-Phone യൂസ് ചെയ്തത് ആര് ?
.
.
.



.

.



.

.



.

.



.

.



.

.



.

.



.

.



.

ഉത്തരം:

പ്രേം നസീർ.. ഐ-ഫോൺ 😁😂😜😝

അലോപ്പതി ഡോക്ടർമാരുടെ പേര് തനി നാടൻ മലയാളത്തിൽ ആയാൽ ഇങ്ങനെയിരിക്കും

Orthopaediatrist- എല്ലൻ

Dentist - പല്ലൻ

Opthamologist - കണ്ണൻ

E.N.T- നാക്കൻ, മൂക്കൻ, ചെവിയൻ, വായൻ

Neurologist - ഞരമ്പൻ ,തലയൻ

Cardiologist - ചങ്കൻ

Paediatrician-കുഞ്ഞൻ

Gastroenterologist-വയറൻ

Skin specialist-തൊലിയൻ

Sexologist - കാമൻ

Psychologist - ഭ്രാന്തൻമാരുടെ ഉപദേശി

Psychiatrist - വട്ടൻ

Nephrologist - വൃക്കൻ

Urologist - മൂത്രൻ

Gynacologist- വയറ്റാട്ടി

Dermatologist- ചൊറിയൻ, ചിരങ്ങൻ

Cosmologist- സുന്ദരൻ

Hair specialist- മുടിയൻ

Liver specialist- കരളൻ

Spine specialist- നട്ടെല്ലുള്ളവൻ

Physiotherapist- തിരുമ്മുകാരൻ, മർമ്മാണി

Pulmonologist - ശ്വാസൻ

Anaesthesiologist- മയക്കൻ

Chest specialist- നെഞ്ചൻ

Surgeon: പൊളിയൻ


😂😂😜😝🤣🙊🙊🤣🤣🤣

ആമയും മുയലും നടത്തിയ ഓട്ടപന്തയത്തിലെ സത്യം ..

സത്യത്തിൽ ജയിച്ചത് മുയല് തന്നെയാണ്. എന്നാല് ആമയുടെ ബുദ്ധിയാണ് ചരിത്രം മാറ്റി മറിച്ചത്..

പന്തയം നിയന്ത്രിച്ചിരുന്ന തമിഴനായ റഫറിയോട് ആമ ഉറക്കെ ചോദിച്ചു.

ആമ : മുയലാണോ ജയിച്ചത് ?

റഫറി : 'ആമ'.

ചരിത്രത്തെ മാറ്റി മറിച്ചത് ആ ഒരൊറ്റ വാക്കായിരുന്നു.
😀😉😉😉